Компания туралы

2005 жылы «СТКХК» ЖШС Степногорск қаласындағы «СТКХК» ЖШС негізгі өндіріс алаңының жанында орналасқан тоқтап қалған күкірт қышқыл зауытын сатып алды.

Күкірт қышқылы өндірісін іске қосу нәтижесінде, Қазақстанда алғаш рет өндіріс темір сульфидінен қазақстандық шикізат – кесек күкіртке аударылып, қойылған тапсырмалардың негізгісі орындалды, яғни күкірт қышқылына деген өз қажеттіліктері және «Қазатомөнеркәсіп» ҰАК АҚ кәсіпорындары қажеттіліктері қамтамасыз етілді.

«Қазатомөнеркәсіп» ҰАК АҚ кәсіпорындарының күкірт қышқылына деген қажеттіліктері ұдайы өсуде. 2006 жылы өндірістік қажеттіліктерге 448, 993 мың тонна, ал 2015 жылға қарай 1769,519 мың тонна күкірт қышқылы қажет болды.

Өз өндірісі мен «Қазатомөнеркәсіп» ҰАК кәсіпорындарын күкірт қышқылымен тұрақты түрде қамтамасыз ету қажеттілігіне және әрекеттегі күкірт қышқылы зауытының физикалық және моральдық тозуына байланысты «СТКХК» ЖШС күкірт қышқылы өндірісін қайта құру туралы мәселе туындады.

Жаңа құрылғы әрекеттегі «СТКХК» ЖШС күкірт қышқылы өндірісінің өндірістік алаңдарында сол кәсіпорынның әрекеттегі инфрақұрылымын (күкірт және дайын өнімдер қоймалары, т.ж. жолдарынан шикізатты шығару торабы, су айналымы циклі, химсутазарту, ілеспе газдарды тазартуды орнату, авто және т.ж. жолдары, әкімшілік-тұрмыстық мекемелер мен асхана сияқты қолда бар және қазіргі уақытта өз күшіндегі ғимараттар мен жабдықтар) қолдана отырып орналастырылған. Ол жобаның жалпы құнының арзан болуына ықпал етеді.

Жобаның негізгі мақсаттары


·  «Қазатомөнеркәсіп» ҰАК АҚ уран өндіруші кәсіпорындарын күкірт қышқылымен қамтамасыз ету; 

·  Каспий аймағында экологиялық жағдайға жағымсыз әсер ететін күкіртті қайта өңдеу мәселелерін шешу (қазіргі таңда «Теңізшевройл» ЖШС компаниясының күкірт картасында шамамен 8 миллион тонна күкірт бар);

·  Қазақстан Республикасының солтүстік аймақтарында заманауи технологияларды пайдалана отырып, күкіртті қайта өңдеу жолымен химиялық өнеркәсіпті дамыту.


Жоба қатысушылары


Жоба ұйымдастырушысы:
«Қазатомөнеркәсіп Күкірт қышқыл зауыты Біріккен кәсіпорыны» ЖШС.

Негізгі жабдықты өндіруші/жеткізуші:
«Desmet Ballestra s.p.a.» компаниясы (Италия), «Белкамит» БК АҚ (Қазақстан).

Жобалау-құрылыс ұйымы:
«Жобалау-құрылымдау ұйымы» ЖШС (Қазақстан), мердігерлік ұйымдар.

Қаржыландырушы ұйым:
Несиелік-қаржылық ұйым, өз қаражаты.

Кепілдеуші ұйым:
Серіктестік қатысушысы, несие-қаржылық ұйым және т.б.


Жоба ұйымдастырушысы


Жобаның жалғыз ұйымдастырушысы «Қазатомөнеркәсіп Күкірт қышқыл зауыты Біріккен кәсіпорыны» ЖШС болып табылады.

Ұйымдастырушының институционалдық бағасы:
«Қазатомөнеркәсіп Күкірт қышқыл зауыты Біріккен кәсіпорыны» Жауапкершілігі шектеулі серіктестік («Қазатомөнеркәсіп КҚЗ БК» ЖШС) 

Заңды тұлғаның басқарушысы:
Директоры: Жексембаев Т.С


Фотоесеп (2015 жылдың маусым айына дейін)